اذا ضاقت بك سنينك وصارت دنيتك أحزان
تذكر ربّك الخالق وقل يا ربي الخيره
وهو سبحانه المعطي تعالى ربي الرحمن
رحيم بخلقه ويكشف على قلوب البشر خيره
وداعا ً يا زمان الذل والتخويف والنكران
وداعا ً يازمان الخوف والطعنات والحيره
أنا لو قلت ابي أعشق تراني ياعرب غلطان
لأن بداخلي معدن اصيل وحان تغييره
لأن العشق في حالة تجرّد واختلال ازمان
وذاك العاشق الصادق تعب واختلّ تعبيره
تعبت من القصايد والتعابير وحروف الجان
وانا في داخل حروفي قصيد احتاج تفسيره
تعبت اكتب عن الماضي وانا في حاضري إنسان
له اسمى واجمل حروفي وله قلبي وتقديره
له الماضي له الحاضر وانا له بالوله سلطان
اجل وشلون ماني له وهو لاحت تباشيره
لفاني بعد ماصرت لغرامه طالب وشفقان
وحلفني أبد ما تطلع ابياتي لأحد غيره
وانا عند آخر وعودي وهذي آخر القيفان
ابي انسى القصيد وما يجي من شرّه وخيره
ولكن لي طلب عنده إذا ثارت بي الأشجان
أبي يسمح لدمعات القصيد تخلّد السيره
نبي نخلّد محبتنا ونصير اعجوبة الأزمان
ونكتب كل يوم ابيات بالعشق وتصاويره
نبي نرسم غلا صادق مثل وضحى وابن عدوان
ويكتب ؟؟؟؟؟ حروفك على دنياك تحذيره
أحبك يا ملك روحي أحبك يااجمل الخلان
دعيت الله يدوم الحب وتلوّح غناديره
تحياتي